Korrupsioni i pandëshkuar, Borchardt: Rastet e evidentuara nuk çohen përpara drejtësisë
Shqipëria duhet të bëjë më shumë në drejtim të luftës kundër korrupsionit duke vënë në zbatim një sistem solid investigimi, hetimi e dënimi. Sipas Kreut të OSBE, Bernd Borchardt, edhe në rastet kur evidentohen, rastet korruptive nuk çohen përpara drejtësisë, gjë që është kthyer në problem për investimet e huaja dhe për ekonominë e vendit.
“Të gjithë e dimë se korrupsioni është problem serioz për investimet e huaja, e për rrjedhojë, edhe për ekonominë e vendit. Duhet bërë më shumë për të luftuar korrupsionin. Është i nevojshëm një sistem solid investigimi, hetimi e dënimi. Portali “Stopkorrupsioni”, i cili u ngrit me ndihmën tonë, ka sjellë dërgimin në prokurori të 119 rastesh korruptive. Ku janë rezultatet, ndjekjet penale, dënimet? E njëjta pyetje duhet të ngrihet edhe për krimin elektoral. Prokurorisë i janë referuar raste të blerjes së votave. Ku janë janë proceset penale?’
Deklaratat e Borchardt u bënë në eventin mbyllës të Projektit “Mbështetjeve masave Antikorrupsion”.
L.R/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.