Kosova dhe Kroacia, marrëveshje për shmangien e tatimit të dyfishtë
Republika e Kosovës dhe Republika e Kroacisë kanë nënshkruar sot Marrëveshjen për shmangien e tatimit të dyfishtë dhe parandalimin e evazionit fiskal lidhur me tatimet mbi të ardhurat dhe mbi kapitalin.
Ministri i Financave Avdullah Hoti, i shoqëruar edhe nga drejtori i Përgjithshëm i Administratës Tatimore të Kosovës Sakip Imeri zhvilluan një vizitë zyrtare në Republikën e Kroacisë, ku u pritën nga Ministri i Financave i Republikës së Kroacisë Zdravko Marie.
Palët në takim diskutuan në lidhje me thellimin e bashkëpunimit ndërmjet dy vendeve, me theks të veçantë në fushën e tatimeve, luftën e ekonomisë joformale, fushën e fiskalizimit, si edhe në fusha tjera.
Në kuadër të bashkëpunimit në fushën e fiskalizimit Marie njoftoi gatishmërinë e shtetit kroat që të ofrojë përvojë për shtetin e Kosovës në fiskalizimin e bizneseve.
Ministri Avdullah Hoti gjatë vizitës në Kroaci vizitoi gjithashtu Administratën Tatimore të Kroacisë, për të parë nga afër mënyrën e funksionimit dhe organizimit të saj.
SCAN
Kosova dhe Kroacia nënshkruajnë Marrëveshjen për shmangien e t…
Kosova dhe Kroacia nënshkruajnë Marrëveshjen për shmangien e tatimit të dyfishtë Prishtinë – 06 mars 2017Ministri Avdullah Hoti Ministri i Financave i Republikës së Kroacisë Zdravko Marie nënshkruan sot Marrëveshjen ndërmjet Republikës së Kosovës dhe Republikës së Kroacisë për shmangien e tatimit të dyfishtë dhe parandalimin e evazionit fiskal lidhur me tatimet mbi të ardhurat dhe mbi kapitalin.
Posted by Ministria e Financave e Republikës së Kosovës on Monday, March 6, 2017
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.