Kosova voton! Detajet e procesit zgjedhor që do të përcaktojë qeverinë e re

Qytetarët e Kosovës do të votojnë për zgjedhjen e 120 deputetëve të rinj të Kuvendit të Kosovës, dhe për qeverinë e kryeministrin e ri. Procesi zgjedhor i nisur në orën 7 të mëngjesit mbyllet në orën 19:00 të pasdites.

Në këto zgjedhje parlamentare kanë të drejtë vote më shumë se 1.9 milion. Për zgjedhjet e 6 tetorit, Komisioni Qendror i Zgjedhjeve ka certifikuar 25 subjekte, prej tyre 20 parti politike, katër koalicione dhe një kandidat i pavarur.

RTK raporton se procesi zgjedhor do të vëzhgohet nga një grup i më shumë se 40 organizatave të shoqërisë civile të cilët janë bashkuar në koalicionin “Demokracia në Veprim”.

Procesi zgjedhor i 6 tetorit do të vëzhgohet edhe nga një mision i gjerë i Bashkimit Europian. Rreth 30 vëzhgues dhe analistë të këtij misioni janë vendosur në Kosovë që nga fillimi i muajit shtator.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.