Kosovë, nënshkruhet marrëveshja PAN-AKR – I hapet rrugë krijimi të institucioneve të reja
Partia Demokratike e Kosovës, Aleanca për Ardhmërinë e Kosovës dhe Nisma për Kosovën e kanë zgjeruar koalicionin e tyre, duke përfshirë në të edhe Aleancën Kosova e Re. Partia e Behgjet Pacollit ka nënshkruar marrëveshje me koalicionin PAN, duke i hapur kështu rrugë formimit të institucioneve të reja të vendit.
Marrëveshja është nënshkruar nga Kadri Veseli (PDK), Ramush Haradinaj (AAK), Fatmir Limaj (Nisma) dhe Behgjet Pacolli (AKR). Kreu i AKR-së, Pacolli, pas nënshkrimit të marrëveshjes është shprehur i kënaqur, duke thënë se pret të kenë hapësirë për të punuar.
“Ne na presin shumë punë. Jam i bindur se do t’i tejkalojmë”, ka thënë Pacolli.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.