Kosovë – Nëshkruhet marrëveshja për ndërtimin e një centrali elektrik me qymyr
Qeveria e Kosovës ka nënshkruar një marrëveshje me prodhuesin e pavarur të energjisë Contour Global për të ndërtuar një central elektrik me qymyr në Kosovë.
Sipas Energy Bussines Review (EBR), ky është projekti i parë më i madh i energjisë në vendin ballkanik në më shumë se dy dekada. Termocentrali do të zëvendësojë termocentralin 40-vjeçar, Kosova A, që cilësohet si burimi më i madh i ndotjes në Europë.
Ndërtimi i projektit të ri me vlerë 1 miliardë lekë është planifikuar të fillojë në vitin 2018, ka njoftuar EBR. Qeveria e Kosovës tha se fabrika do të përfshijë gjithashtu një komponent bashkëgjenerues për ngrohjen qendrore në qytetet e Prishtinës, Obiliqit, Drenasit dhe Fushë-Kosovës.
Përveç kësaj, termocentrali i ri do të ndërtohet me teknologjinë më të fundit për të ndihmuar në reduktimin e shkarkimeve të gazrave që krijojnë efektin serë.
Dy vjet më parë, Contour Global nënshkroi një memorandum mirëkuptimi me qeverinë e Kosovës për financimin e objektit të propozuar “Kosova e Re.” Sipas qeverisë së Kosovës, termocentrali i ri do të inkorporojë teknologjitë moderne për të parandaluar ndotjen e ajrit dhe pasojat negative mjedisore.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.