Kosovë, Qeveria tërheq nga Kuvendi pr.ligjin për pagat. Kërkohet harmonizim me dy ligje të tjera
Qeveria e Kosovës në mbledhjen e sotme ka vendosur të tërheqë nga Kuvendi projektligjin për pagat. Sipas mediave ky projektligj do të tërhiqet nga procedurat e Kuvendit, deri në momentin që do të hartohen dy ligje të tjera ai nëpunësit civil dhe i administratës publike.
Kryeministri i Kosovës, Isa Mustafa gjatë fjalës së tij në mbledhjen e qeverisë tha se “Derisa të hartohet ligji i shërbyesve civil dhe administratës publike do ta tërheqim ligjin për pagat nga Kuvendi. Duhet të harmonizohen të tre ligjet në bashkëpunim me zyrën civile dhe zyrën e BE”, tha kreu i ekzekutivit, Mustafa.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.