Kosta Rika merr vaksinën e Pfizer – Vaksinimi nis menjëherë në vendin me 5 milionë banorë
Dërgesat e para të vaksinës së Covid-19 nga Pfizer kanë mbërritur në Kosta Rika këtë Javë dhe programi i imunizimit ka nisur menjëherë. Dërgesa përmbante 9,750 doza për shtetin e vogël të Amerikës Qendrore dhe një tjetër pako pritet javën e ardhshme me 10,725 doza, sipas Ministrisë së Shëndetësisë. Vaksinat e para pritet të administrohen tek punonjësit e shëndetësisë dhe banorët e qendrave të kujdesit për të moshuarit, përpara se të shpërndahet tek e gjithë popullsia. Presidenti i vendit, Karlos Alvarado, tha se infermierët dhe mjekët kanë luftuar fortë me virusin dhe do jenë të parët. Ai shtoi se njerëzit duhet të vazhdojnë të bëjnë kujdes, duke respektuar masat e distancimit social.
“E vërteta është se punonjësit e shëndetësisë kanë luftuar kaq fortë me koronavirusin dhe po i administrohet vaksinimi përpara. Ka qenë një periudhë shumë e vështirë dhe falë zotit është ndërmarrë ky hap i parë drejt përfundimit të pandemisë. Megjithtë, njerëzit duhet të vazhdojnë të kujdesen për veten”, tha Alvarado.
Kosta Rika, me një popullsi prej rreth 5 milionë banorë, ka regjistruar mbi 2,000 vdekje nga koronavirusi dhe një total prej 161,942 infeksionesh.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.