Kostot e ndërtimit, më të lira. Gjatë tremujorit të katërt 2020 llogariten me 0.1% ulje
Kostot e ndërtimit në tremujorin e katërt për vitin 2020 kanë pësuar ulje në krahasim me tremujorin e katërt të vitit 2019 tregojnë shifrat më të fundit të publikuara nga Instituti i Statistikave. Indeksi i kushtimit në ndërtimin e banesave ka rënë në 0.1% gjatë tremujorit të katërt të vitit 2020.
Grupe të tjera sic janë “Shpenzime për paga”,“Shpenzime transporti” dhe “Shpenzime materiale” e kanë mbyllur vitin e kaluar gjithashtu me rënie ku zëri “Shpenzime për paga” shënon ulje me 2,1%,“Shpenzime materiale” me 0,8% dhe “Shpenzime transporti” me 0,7 %, e ndërsa rritje ka shënuar indeksi i grupit “Kosto të tjera” me 1,6%, ndjekur nga indeksi i grupit “Shpenzime makinerie” me 0,8%
E nëse do ta krahasonim me tremujorin e tretë të vitit 2020, shohim se rritje kanë shënuar grupet,“Shpenzime makinerie” me 0,7 %,“Kosto të tjera” me 0,3 %, “Shpenzime materiale” me 0,2 %, dhe “Shpenzime për paga” me 0,1 %. Ndërsa, ulje ka shënuar grupi “Shpenzime transporti” me 0,8%.
Kjo rënie e regjistruar në grupet e mësipërme duket sikur eliminon presionin e rritjes së çmimeve të shitjes dhe vlen të themi se sipas Entit të Banesave, kosto e ndërtimit në Shqipëri është mes 32 dhe 33 mijë lekë për m2, e ndërsa çmimi mesatar i shitjes së banesave në kryeqytet po rritet dita ditës.
Xhorxhina Deda / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.