Kostumet hapësinore që Elon Musk i bëri frymëzuar nga filmat me superhero – “Janë dashur 4 vjet të krijohen”

Megjithëse astronautët e NASA-s Bob Behnken dhe Doug Hurley nuk ishin në gjendje të shkonin në hapësirë të mërkurën për shkak të motit, ata patën një shans për të treguar kostumet e reja të hijshme të SpaceX.

Kostumet e SpaceX janë me shkëlqim, bardh e zi, një formëshe dhe komode. Kompania e Elon Musk ka punuar me NASA për t’i zhvilluar ato. Kostumet janë krijuar për t’u futur ne vendet e kapsulës.

“Unë personalisht kalova shumë kohë – na u deshën tre, gati katër vjet për të hartuar këto kostume që duken mirë dhe funksionojnë mirë”, tha Musk gjatë një interviste.

Kostumet në thelb janë të personalizuara, të formuara nga njeriu – ato janë të rehatshme që astronautët t’i veshin gjatë fluturimeve të gjata brenda anijes së vogël, duke i mbrojtur gjithashtu nga ndryshimet në nivelet e oksigjenit dhe presionit.

Musk është përqendruar në paraqitjen e kostumeve të SpaceX që kur kompania filloi t’i dizajnojë ato disa vjet më parë.

Sipas New York Times, Musk punoi me Jose Fernandez, një stilist kostumesh për filmat superhero “Batman v Superman”, “The Fantastic Four”, “The Avengers”, “X-Men II”, midis të tjerave, për të krijuar një prototip.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.