KPP kërkon rritje stafi – Braçe: Për këtë vit s’ka buxhet. Haxhinasto: Rrisni eficencën
Komisioni i Prokurimit Publik ka kërkuar rritjen e numrit të stafit. Teksa raporti në Komisionin Parlamentar të Ekonomisë, kryetarja Evis Shurdha tha se organika aktuale është e vjetër, ndërkohë që numri i ankesave të bizneseve ka shënuar rritje.
Ndërkaq, pavarësisht se komisioni miratoi ndryshimet në strukturë, kryetari Erjon Braçe tha se ajo do të hyjë në fuqi me buxhetin e vitit të ardhshëm. Rritja e stafit për Komisionin e Prokurimit Publik është kundërshtuar nga deputeti i LSI, Edmond Haxhinasto, i cili e cilësoi si të paarsyeshme dhe të panevojshme.
Ndërkaq, teksa foli për eficencën e prokurimeve publike Haxhinasto shtoi se tenderimi me ligje të posaçme është shkelje e ligjit.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.