KQZ, debate për modelin e fletës së votimit – PD pro variantit të propozuar nga Celibashi, Kaso: Kanditatët me emra në listë, jo me numra
Përfaqësuesit e Subjekteve Politike në Komisionin Qendror të zgjedhjeve kanë vijuar edhe të enjten debatet mbi modelin e fletës së votimit që do përdoret më 25 qershor pa gjetur një zgjidhje. Përfaqësuesi i Partisë Demokratike Ivi Kaso ka mbështetur propozimin e kreut të KQZ Ilirian Celibashi për modelin ku kandidatët për deputetë të përfaqësohen me emra dhe jo me numra. Ai ka akuzuar mazhorancën që sipas tij, deri dje luftonte për listat e hapura, ndërkohë që tani do t’i fshehë kandidatët pas numrave.
Ndërkaq, Përfaqësuesi i PS, Eridian Salianji tha se fleta e Tiranës gati me 500 emra, e ndërlikon votimin.
Komisioni Qendror i Zgjedhjeve ka publikuar prej ditësh 4 modelet e fletëve të votimit mes të cilave do të zgjidhet edhe version përfundimtar që do të përdoret më 25 prill.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.