KQZ miraton mandatet për 4 kandidatët e LSI – Ja kush janë deputetët e rinj
Katër deputetët e Lëvizjes Socialiste për Integrim kanë marrë mandatet ditën e sotme për të plotësuar vakancat e Kuvendit. Kështu, gjatë mbledhjes së sotme, Komisioni Qendror i Zgjedhjeve ka vendosur t’i japë mandatin e deputetit Edmond Abazit, i cili ka zëvendësuar ish-deputetin e LSI-së, Endrit Bamllari.
Ndërkohë, Aurora Mara po ashtu ka marrë sot mandatin nga KQZ, duke zëvendësuar ish-deputetin, Përparim Spahiu.
Ndërsa, për qarkun e Elbasanit ka marrë mandatin Enver Roshi, i cili do të zërë vendin e Edmond Haxhinastos, kurse kandidati i katër që ka marrë sot mandatin e deputetit nga KQZ në vend të Floida Kërpaçit është Ylli Shehu. Ky i fundit do të përfaqësojë qarkun e Tiranës.
Kandidatët e rinj pritet të bëjnë betimin në seancën plenare të së martës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.