Kredi, 21 milionë euro për eficencën e energjisë – Rehabilitim për 19 konvikte të Qytetit Studenti dhe 3 godina të reja me konsum të ulët
21 mln euro është vlera e investimit për rehabilitimin e Konvikteve të Qytetit Studenti sipas Parimit të Eficencës së Energjisë. Komisioni parlamentar i Veprimtarive Prodhuese ka miratuar kredinë e dhënë nga Qeveria Federale Gjermane përmes KfË-së, teksa u bë me dije se në total do të rehabilitohen 19 konvikte.
Projekti përfshin rehabilitimin sipas parimit te eficencës së energjisë të konvikteve dhe ndërtimin e të paktën 3 godinave të reja bazuar mbi Master Planin e Qytetit Studenti I. Qëllimi i projektit është të rrisë eficencën e energjisë në ndërtesat e përzgjedhura, duke ulur konsumin e energjisë elektrike me 20% mesatarisht në krahasim me nivelet e konsumit para rehabilitimit, ndërkohë që edhe 3 godinat e reja do të jenë ndërtime me konsum të ulët energjie.
Kursimi i energjisë përmes aplikimit të masave të eficencës është tejet i rëndësishëm për të reduktuar konsumin e për pasojë edhe shpenzimet për blerje energjie për plotësimin e nevojave të furnizimit. Sipas përfaqësuesve të qeverisë, në rast të zbatimit të planeve që parashikohet të realizohen deri në vitin 2030, çdo vit do të mund të kursehen.
Ola Mitre/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.