Kreditë përtej kufijve, pasiguritë reduktojnë huadhënien mes bankave të Eurozonës
Bankat e Eurozonës kanë dhënë më pak hua drejt homologëve në vendet anëtare të bllokut gjatë vitit të kaluar, për shkak të dyshimeve mbi gjendjen e disa prej tyre dhe prej të ardhmes së rajonit.
Kreditë mes bankave dhe pjesës tjetër të ekonomisë janë rritur në mënyrë të ngadaltë por të qëndrueshme në vitin e fundit, megjithatë, brenda kufijve kombëtarë.
Kjo tkurrje i bën ekonomitë e Eurozonës më shumë të cenueshme ndaj trazirave të brendshme dhe bie kontradiktë me objektivin e Bankës Qendrore Europiane për të krijuar një union bankar në të cilin krediti lëviz pa pengesa.
Kjo tërheqje e bankave brenda kufijve kombëtarë erdhi kryesisht prej krizës financiare të vitit 2008, megjithatë ndaloi më vonë falë ndërhyrjes së Bankës Qendrore Europiane dhe ndërsa tregjet u qetësuan.
Kjo qasje rifilloi vitin e kaluar prej tensioneve në vende si Italia. Vendosjet ndërkufitare mes bankave të eurozonës ranë me 6% në 1.26 trilionë euro në muajin Janar me bazë vjetore.
Kreditë mes bankave në të njëjtin vend janë rritur me 11% për të njëjtën periudhë, në 4.6 trilionë euro.
Bankat në Gjermani, Francë dhe Luksemburg kanë reduktuar kreditë përtej kufijve në vitin e kaluar. Shqetësimet mbi daljen e vendeve nga blloku i valutës ka qenë gjithashtu arsye e vendimit të bankave.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.