Krerët e doganave Shqipëri-Turqi takim të përbashkët – Kush janë projektet që diskutojnë
Në një njoftim në faqen zyrtare në Facebook, Dogana Shqipetatre ka lajmëruar se krerët e Doganave Shqipëri-Turqi janë takuar për të diskutuar mbi projekte të përbashkëta.
“Drejtori i Përgjithshëm i Doganave Shqiptare, Genti Gazheli, zhvilloi një takim bilateral me drejtorin e Doganave Turke, Mustafa Gümüş, ku u diskutua mbi intensifikimin e bashkëpunimit midis dy administratave doganore”, shkruhet në njoftim.
Në takim, homologu turk, zoti Gazheli vlerësoi angazhimin e të dy administratave për një partneritet reciprok në disa fusha, si lehtësimi i tregtisë, shkëmbimi i informacionit dhe implementimin e projekteve të përbashkëta.
Sipas njoftimit, takimi u bë në kuadër të vizitës dyditore që Kryeministri Edi Rama, po zhvillon në Turqi, ku në qëndër të saj është ecuria e projekteve të bashkëpunimit dypalësh mes ministrive dhe kontaktet e organizuara me investitorë në teknologji digjitale, turizëm, farmaceutikë, energji, transport.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.