Kreu i BQE: Koronavirusi mund të shkaktojë fatkeqësinë më të madhe ekonomike që nga kriza financiare e 2008
“Qeveritë evropiane dhe bankat qendrore duhet të japin një përgjigje të shpejtë dhe të koordinuar ndaj epidemisë së koronavirusit ose të përballen me pasoja shkatërruese”, paralajmëroi Christine Lagarde në një telefonatë konferencë të martën.
Lagarde u tha udhëheqësve evropianë se nëse ata nuk veprojnë, kontinenti “do të shohë një skenar që do t’i kujtojë shumë prej nesh Krizën e Madhe Financiare të vitit 2008”. “Sidoqoftë, rezultati ekonomik ka të ngjarë të jetë i përkohshëm nëse merren masa të përshtatshme”, shtoi ajo.
Përpara takimit të BQE të enjten, politikëbërësit po peshojnë mundësi të tilla si “financim super i lirë” dhe forcimi i likuiditetit dhe kredisë, tha Lagarde. Sidoqoftë, shefi i bankës qendrore paralajmëroi që ato lloje të masave do të kenë sukses vetëm nëse qeveritë punojnë për të përmirësuar kreditimin e bankave në zona të prekura, tha Bloomberg.
Lagarde u tha udhëheqësve evropianë se ata rrezikojnë “kolapsin e një pjese të ekonomive tuaja” nëse nuk ndërmarrin veprime urgjente, shtoi Bloomberg.
Dosti Banushi – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.