“Pas programit të shpëtimit”, Kreu i Eurogroup: Greqia do të vazhdojë të qëndrojë nën mbikëqyrje të rreptë

Gjatë një interviste në gazetën Ethnos, kreu i Eurogroup Thomas Wieser tha  Greqia do të vazhdojë të mbetet nën mbikëqyrje të rreptë nga kreditorët e saj për vite.

Wieser theksoi se Greqia duhet të paguajë 75 për qind të borxhit të saj Sovran para se të jetë jashtë mbikëqyrjes nga huadhënësit.

“Koha që Greqia do të jetë në gjendje të paguajë 75 për qind të borxhit të saj do të varet nga bisedimet mbi maturimin”, tha Wieser.

“Duke patur parasysh shumën e madhe dhe maturimet e gjata të ripagimit, besoj se do të ketë një seri çështjesh edhe në periudhën pas përfundimit të programit që do të jetë më i rreptë se sa në Spanjë”, shtoi ai.

Lidhur me shqyrtimin e tretë të programit të shpëtimit, kreu i Eurogrup përsëriti se është e rëndësishme që të përfundojë sa më shpejt që të jetë e mundur, që do të thotë deri në fund të vitit dhe se zbatimi i të gjitha parakushteve është i rëndësishëm.

Së fundmi, Wieser paralajmëroi se çdo mosrealizim i menjëhershëm i masave do të ndikojë në rritjen dhe stabilitetin në vend.

Lidhur me borxhin, ai specifikoi se çdo ndërhyrje do të bëhet pas përfundimit me sukses të programit.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.