Kreu i ri i Inspektoriatit të Lartë të Deklarimit dhe Kontrollit të Pasurive, Kuvendi drejt hapjes së garës për kandidaturat!
Komisioni për Çështjet Ligjore, Administratën Publike dhe të Drejtat e Njeriut ka shpallur vakancës e Inspektorit të Përgjithshëm të Inspektoratit të Lartë të Deklarimit dhe Kontrollit të Pasurive dhe Konfliktit të Interesave (ILDKPKI).
Kuvendi me Vendimin e vitit 2014 ka zgjedhur Shkëlqim Ganaj, në detyrën e Inspektorit të Përgjithshëm të Inspektoratit të Lartë të Deklarimit dhe Kontrollit të Pasurive dhe Konfliktit të Interesave me një mandat 7-vjeçar.
Bazuar në ligjin e vitit 2003, Kuvendi i Shqipërisë jo më vonë se tre muaj përpara përfundimit të mandatit publikon shpalljen për vendin vakant të kreut të ILDKPKI –së. Shpallja do të publikohet për një afat 20-ditor dhe më pas kandidaturat që plotësojnë kriteret dhe do të përzgjidhen, do ti kalojnë për shqyrtim seancës plenare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.