Krijimi i një rivali në 5G/ Huawei: Përpjekja e qeverisë amerikane do jetë e pamundur
Planet e Shteteve të Bashkuara për të krijuar një rival të teknologjisë 5G ndaj Huawei do të jenë sfiduese, deklaroi firma kineze, ndërkohë që politikanët amerikanë kanë bërë thirrje për të gjetur alternativa për gjeneratën e ardhshme të rrjeteve.
5G i referohet infrastrukturës telefonike të gjeneratës së ardhshme që përdor shpejtësi të madhe. Washingtoni ka përsëritur se Huawei përbën një rrezik të sigurisë kombëtare, pasi Pekini mund të përdorë pajisjet e kompanisë për spiunazh.
Përveç kompanive si Ericsson dhe Nokia, Shtetet e Bashkuara po kërkojnë për alternativa të tjera ndaj pajisjeve të Huawei. Përfaqësues të Huawei thanë se standardet teknike dhe zbatimi i teknologjisë 5G ka kërkuar rreth 10 vite që të krijohet, e për rrjedhojë do të jetë sfiduese që Shtetet e Bashkuara të gjejnë një zgjidhje shpejt.
Washingtoni fitoi gjatë Javës të drejtën për të bllokuar agjencitë federale për të blerë produkte të Huaëei, për arsye të sigurisë, duke hedhur poshtë padinë e ngritur nga kompania.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.