Krijohet “Arkivi Digjital i Arkivit Qendror Teknik të Ndërtimit” – Do të përmbajë hartat, planet rregulluese dhe projektet e ndërtimit në formë elektronike
Një databazë shtetërore ku do të ruhen të dhëna për hartat, projektet ndërtimore dhe planet rregulluese është miratuar për t’u ngritur nga Këshilli i Ministrave.
Arkivi Qendror Teknik i Ndërtimit është ngarkuar nga qeveria për të krijuar këtë sistem të dhënash, i cili do të pasurohet me materiale elektronike nga AQTN, si dhe institucionet shtetërore e njësitë vendore.
Sistemi i ADAQTN do të përmbajë konkretisht llojet e të dhënave dhe informacioneve si më poshtë:
- Të dhëna parësore
- Hartat plansheta
- Projekte ndërtimore dhe plane rregulluese
- Dosje pronësia para vitit 1964
- Dokumentacion teknik dhe shkresor
- Të dhëna dytësore
- Të dhëna nga Regjistri Kombëtar i Gjendjes Civile (NID, gjeneralitete)
- Të dhëna nga Regjistri Tregtar (NUIS, të dhëna për subjektet dhe aktivitetet)
Disa nga këto të dhëna në përmbajtje të ADAQTN do të jenë të aksesueshme edhe nga qytetarët, përmes portalit qeveritar e-Albania.
Angelo Haruni/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.