Krijohet Komiteti i Mbrojtjes Civile. Nëse dëmet nga fatkeqësitë kalojnë 8% të buxhetit të bashkisë, banorët kompensohen nga qeveria
Përmes një vendimi që mban datën 25 nëntor, Këshilli i Ministrave ka krijuar Komitetin e Mbrojtjes Civile organi më i lartë, i përhershëm, përgjegjës për zbatimin e politikave për zvogëlimin e riskut nga fatkeqësitë dhe mbrojtjen civile në Republikën e Shqipërisë. Komiteti do të kryesohet nga Ministri i Mbrojtjes dhe do të përbëhet nga 11 Ministra, duke përfshirë edhe – drejtorin e Përgjithshëm të Agjencisë Kombëtare të Mbrojtjes Civile; – drejtorin e Agjencisë së Menaxhimit të Burimeve Ujore; – drejtorin e Qendrës Kombëtare të Urgjencës Mjekësore; – kryetarin e Komitetit Kombëtar të Digave të Mëdha.
Komiteti do të mblidhet, sa herë gjykohet e nevojshme nga kryetari i tij, por Të drejtën e propozimit për thirrjen e mbledhjes e ka edhe çdo ministër, sipas fushës së përgjegjësisë dhe llojit të fatkeqësisë. Ndërkohë që një prej roleve kryesore të kësaj struktore do të jetë vendimi për dëmshpërblimin nga shteti të qutetarëve të prekur nga fatkeqësitë natyrore. Në vendim përcaktohet se me kërkesë të prefektit, në rast se vlera e kompensimit tejkalon 8 (tetë) % të buxhetit të bashkisë, merr vendim për kompensimin e dëmeve nga Agjencia Kombëtare e Mbrojtjes Civile.
Ndërkohë që Komiteti do të jetë përgjegjës edhe për angazhimin në brenda pak orëve të strukturave të emergjencave civile në rastet e fatkeqësive. “Sektorët për mbrojtjen civile në ministritë përkatëse aktivizojnë, me kërkesë të AKMC-së, kapacitetet e parashikuara për emergjencë civile, për të reaguar me shpejtësi dhe efektivitet në rastin më të parë të mundshëm, por asnjëherë më vonë se 2 (dy) orë:, përcakton Vendimi I Këshillit të Ministrave.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.