Krijohet NAREA, rrjeti i Ndërmjetësve të Pasurive – Pipiria: Të jemi Partner i Besueshëm për klientët, të mbrojmë të drejtën e pronësisë
Ligji i ri për Ndërmjetësit e Pasurive të Paluajtshme është shoqëruar edhe me krijimin e Organizatës NAREA, ku janë anëtarësuar subjektet më në zë të këtij profesioni në vend. Shoqata Kombëtare e Ndërmjetësve të Pasurive të Paluajtshme të Shqipërisë, zhvilloi këtë të enjte aktivitetin e saj të parë me rrjetin e zyrave që janë pjesë e saj.
Drejtori ekzekutiv i organizatës tha në fjalën e hapjes se NAREA është një Organizatë që synon Promovimin e Biznesit të Ndërmjetësimit të Pasurive të Paluajtshme, Zhvillimin & Strukturimin e Sektorit të Pasurive të Paluajtshme si dhe të jetë Udhëheqëse në Përfaqësimin e Interesave të Aktorëve në treg.
Në aktivitetin e parë të NAREA-s, morën pjesë Eduard SHALSI, Kryetar i Komisionit Parlamentar të Ekonomisë dhe Financave, Anëtarë të Parlamentit, Ligjvënës, Drejtues të Institucioneve Ligj-Zbatuese, Përfaqësues dhe Drejtues të Organizatave Profesionale të Sipërmarrjes, Drejtues të Komunitetit të Biznesit, Partnerë të Shoqërisë Civile si dhe Partnerë Mediatikë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.