Krijohet Task-Forca pranë Ministrisë së Punëve të Jashtme – Struktura përbërëse dhe mënyra e funksionimit
Është miratuar në mbledhjen e fundit të qeverisë vendimi për ngritjen e Task-Forcës pranë Ministrisë për Europën dhe Punët e Jashtme. Kjo e fundit ka për qëllim arritjen e një sërë objektivave, të cilat përfshijnë:
Drejtimin me sukses të gjithë procesit të kryesimit të OSBE-së, GKM-së dhe GKA-së në periudhat e përcaktuara në pikën 1;
b) Drejtimin, në emër të Kryetarit të Radhës, të gjithë veprimtarisë së kryesimit të OSBE-së, nëpërmjet koordinimit të punës me Misionin e Republikës së Shqipërisë pranë organizatave ndërkombëtare dhe ON në Vjenë;
c) Mbështetjen e përfaqësimit të Republikës së Shqipërisë si Kryetare e Radhës në OSBE;
ç) Mbikëqyrjen e aktiviteteve të OSBE-së, që lidhen me parandalimin e konflikteve, administrimin e krizave dhe të situatave postkonflikt në hapësirën e OSBE-së;
d) Drejtimin dhe koordinimin e punës ndërmjet Ministrisë për Evropën dhe Punët e Jashtme (më poshtë MEPJ), institucionit të Presidentit të Republikës, Kuvendit dhe institucioneve të administratës shtetërore shqiptare për periudhën e kryesimit të OSBE-së, GKM-së dhe GKA-së;
dh) Hartimin dhe propozimin për miratim ministrit për Evropën dhe Punët e Jashtme të prioriteteve dhe qëndrimeve të kryesimit të OSBE-së, GKM-së dhe GKA-së;
e) Evidentimin dhe përçimin e vlerave më të mira të politikës së jashtme të Republikës së Shqipërisë në ruajtjen dhe forcimin e paqes e të sigurisë, nxitjen e bashkëpunimit ndërmjet vendeve dhe popujve në rajonet ku vepron OSBE-ja, në mbrojtje dhe respektim të të drejtave të njeriut.
Task-Forca duhet të ndjekë të gjitha zhvillimet që lidhen me çështjet e sigurisë, bashkëpunimit dhe ato të të respektimit të të drejtave të njeriut në rajonin e OSBE-së por edhe më gjerë. Ajo do të jetë nën varësin ë ministrit përgjegjës dhe në mungesë të tij, nga njëri prej zëvendëskryeministrave dhe në përbërje do të ketë:
a) diplomatë karriere;
b) nëpunës të emëruar nga ministritë e tjera;
c) ekspertë të jashtëm;
ç) nëpunës financierë dhe juristë;
d) personel teknik dhe mbështetës.
Sa i takon trajtimit financiar të personelit të kësaj Task-Force, ajo do të jetë si më poshtë:
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.