Krimi i organizuar – Gjonaj: Do të përshpejtojmë reformën për sigurinë në burgje

Ndërsa ka denoncuar vendimmarrjen për rastin e gjykimit të Dritan Dajtit, ministrja e Drejtësisë, Etilda Gjonaj, ka deklaruar se do të përshpejtohet reforma për rritjen e sigurisë në burgje. Sipas Gjonaj, kjo do të bëhet në kuadër të masave imediate në luftën kundër krimit të organizuar.

“Gjej rastin të informoj që paralelisht me reformën në drejtësi, ne do të përshpejtojmë reformën për rritjen e sigurisë në burgje si masa imediate në luftën kundër krimit të organizuar, ku pas instalimit të monitorimit 24-oërsh të seksioneve të sigurisë së lartë në burgje, instalimit të regjimit 41 BISS dhe paketës ligjore me ndryshme të kësaj natyre si pjesë e paketës anti-krim, do të miratohet së shpejti përforcimi i mëtejshëm i nivelit të sigurisë në institucionet penitenciare.”

Më tej, Gjonaj u ka kërkuar Komisionit të Pavarur të Kualifikimit dhe ONM-së që gjatë vlerësimit të gjyqtarëve dhe prokurorëve të fokusohen te vendimmarrja e tyre.

“I kërkoj Komisionit të Pavarur të Kualifikimit dhe ONM-së që në vlerësimin e gjyqtarëve dhe prokurorëve të fokusohen në elementë të tillë që çdo gjyqtar ose prokuror me vendimmarrjen e tyre kanë mundësuar që grupet kriminale t’i shpëtojnë forcës së ligjit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.