Krimi zgjedhor, afate kohore për SPAK – Jo më zvarritje e asnjë informacion për dosjet, ecuria e hetimeve do raportohet në KQZ

Disa ndryshime në Ligjin për Organizimin dhe Funksionimin e Prokurorisë angazhojnë organin e akuzës dhe veçanërisht SPAK-un në marrëdhënie të drejtpërdrejta me Komisionin Qendror të Zgjedhjeve lidhur me vepra penale që cenojnë votimet. Një projektligj i depozituar në Kuvend propozon te shtohet një nen i ri qe mbulon fushën e marrëdhënieve te Prokurorisë me Komisionin Qendror te Zgjedhjeve. Ky nen synon te plotësoje një boshllëk te evidentuar nder vite ne Shqipëri sipas te cilit per veprat penale ne fushën e zgjedhjeve ka një terr informacioni nga institucionet shtetërore, ku çështjet penale zgjaten me vite ne hetim dhe gjykim, dhe publikut nuk i behet me dije veprimtaria e institucioneve per hetimin dhe përfundimin e gjykimit apo ekzekutimit te tyre.

Prokurori i Përgjithshëm dhe Drejtuesi i Prokurorisë se Posaçme, sipas juridiksionit përkatës, detyrohen me ligj te japin informacion KQZ-se, brenda 15 ditësh nga kërkesa e kësaj te fundit, per hetimin e veprave penale ne fushën e zgjedhjeve. Informacioni jepet me te dhënat per çështjet penale, personat nen hetim, kohëzgjatjen e hetimit dhe përfundimin e tij, te dhënat per kërkesat e prokurorisë per gjykim, kohëzgjatjen e gjykimit dhe përfundimin e tij, te dhënat per ankimimin e vendimeve gjyqësore, shkakun e ankimimit, si dhe te dhënat per faktin nëse 9eshtjet jane gjykuar ne apel ose ne Gjykatën e Larte dhe rezultatin e këtij gjykimi. Pjese e informacionit duhet te jete dhe informacioni per ekzekutimin e dënimeve.

Ndërkohë që ndryshimi i një neni tjetër të ligjit ekzistues rrit kompetencat e drejtuesve të prokurorive për hetime që lidhen me krimin zgjedhor.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.