Kriminelët kibernetikë kanë vjedhur 4.26 miliardë dollarë nga përdoruesit dhe shkëmbimet e Bitcoin për këtë vit
Për mashtruesit dhe kriminelët në internet, viti 2019 ka qenë një vit i madh.
Sipas një raporti të CipherTrace, që nga janari, 4.26 miliardë dollarë në total janë vjedhur nga shkëmbimet, investitorët dhe përdoruesit e Bitcoin.
Qëllimi është shmangia e zbatimit të ligjit, pastrimi i parave dhe në fund, gjetjen e një dalje në mënyrë që monedha të shpenzohet në të vërtetë.
Ja disa nga rastet e vjedhjeve më të bujshme për këtë vit:
Shkëmbimit japonez BITPoint ju vodhën 28 milion dollar
Kompania humbi një total prej 28 milion dollarësh në korrik të këtij viti ku 19.3 ishin nga fondet e klientëve, ndërsa pjesa tjetër i përkiste kompanisë.
Presidenti i kompanisë njoftoi se do të rimbursojë të gjithë klientët që janë prekur nga mashtrimi, por jo me para.
Binance, një nga kompanitë më të mëdha në botë për monedha virtuale, ju vodhën bitcoin me vlerë 40 milion dollarë në maj
Kriminelët kibernetikë arritën jo vetëm të vjedhin 7,000 bitcoin, por edhe kode autentifikimi me dy faktorë. Gjithashtu hakerat ishin në gjendje të komprometojnë “llogari me vlerë shumë të lartë neto”.
Pavarësisht se hakerat po largoheshin me 40 milion dollarë në vlerë të bitcoin, ndikimi nuk ishte shumë i madh për Binance sepse ishte vetëm 2% e zotërimeve të përgjithshme të shkëmbimit.
Dy vëllezër izraelitë u arrestuan pas një mashtrimi ku kanë vjedhur mbi 100 milion dollar
Dy vëllezër nga Izraeli u arrestuan në 21 qershor për një mashtrim të dyshuar të “peshkimit” që zgjati për tre vjet.
Në këtë kohë, vëllezërit Gigi, Eli, 31 vjeç dhe Assaf, 21 vjeç, dyshohet se kanë vjedhur mbi 100 milion dollarë në monedhë virtuale.
Gjashtë të arrestuar në Mbretërinë e Bashkuar dhe Hollandë mbi vjedhje të 27 milion dollarëve
Gjashtë individët vodhën Bitcoin nga të paktën 4,000 llogari. Pas një hetimi të përbashkët për 14 muaj, gjashtë personat e dyshuar për mashtrim të bitcoin u arrestuan në qershor, sipas një njoftimi për shtyp të Europol.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.