Kripa e jodizuar në “sitë” – Forcohet ligji, Manastirliu: Kontroll i rreptë subjekteve në vend dhe importit

Kontroll i rreptë në dogana, pika prodhimi dhe shitje nëpërmjet gjurmueshmërisë së kripës dhe përmbajtjes së jodit deri në mbërritjen tek konsumatori”. Gjithçka është paralajmëruar nga ministrja e Shëndetësisë dhe Mbrojtjes Sociale, Ogerta Manastirliu, e cila tha se deri më tani inspektimet për të garantuar kontrollin e nevojshëm kanë qenë të pamjaftueshëm. Për këtë arsye, ky dikaster ka propozuar edhe ndryshimet ligjore, që synojnë plotësimin e boshllëqeve që ekzistojnë aktualisht në drejtim të monitorimit të fortifikimit të kripës me jod.

Ndërkaq, kreu i Komisionit të Shëndetësisë, kërkoi që kripa e jodizuar të merret përmes ushqimeve, duke ulur në këtë mënyrë edhe kostot për përballimine  sëmundjeve që shkakton mungesa e jodit në organizëm.

Studimi Demografik Shëndetësor 2017-2018 tregoi që 65% e familjeve përdorin kripë të jodizuar sipas standardeve, ndërsa sipas Manastirliut përdorimi i kripës së jodizuar ka një tendencë në rënie.  Ndërkohë që pamjaftueshmëria jodike është një nga shkaktarët kryesorë të sëmundjeve si struma dhe prapambetja mendore.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.