Kriza Covid/Brexit e Britanisë, studimi: “Ka humbur pjesë tregu në SHBA, Gjermani dhe Kinë”
Mbretëria e Bashkuar ka humbur pjesë tregu në Shtetet e Bashkuara, Gjermani dhe Kinë gjatë pandemisë së Covid-19, për shkak të kaosit botëror tregtar, Brexit dhe produktivitetit të dobët. Mbretëria e Bashkuar ka performuar kryesisht keq për shkak të një stanjacioni afat-gjatë në rritjen e produktivitetit, sipas një raporti nga Qendra për Prosperitetin e Biznesit tek grupi bankar Lloyd. Ndërkohë që të gjithë vendet janë goditur nga Covid-19, Britania ka humbur pjesë në tregjet më të mëdha të eksportit, SHBA dhe Gjermani, sipas studimit.
Nga viti 2017 – 2019, Britania ka rritur eksportet totale ndaj Gjermanisë me 8.5%, më pak se rritja e eksporteve italiane prej 12%, hollandeze me 14%, spanjolle me 20% dhe eksportet amerikane me 24%. Kjo vazhdon tendencën e nisur me referendumin e Brexit, ç’ka sugjeron një shkëputje nga 2 ekonomitë.
Hulumtimet, e bazuara tek statistikat e Kombeve të Bashkuara për tregtinë, shfaqin gjithashtu një humbje të pjesë së tregut me kinën. “Brexit, Covid-19 dhe sfidat në afat-gjatë të produktivitetit të Britanisë, do të vendosin bizneset në një pozitë jo të favorshme në të ardhmen e afërt”- shkruhet në raport.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.