Kriza e eksporteve të misrit ukrainas – Pothuajse të gjitha ngarkesat e drithërave nisen nëpërmjet Detit të Zi!
Eksportet e misrit të Ukrainës u ndalën disa javë më parë kur Rusia pushtoi vendin, duke çuar në mbylljen e porteve të saj detare. Ndërsa po shkaktohet një krizë globale e ofertës në periudhë afatshkurtër, duke çuar në një rritje të paprecedentë të stoqeve në vend.
Kjo mund të bëjë që të korrat e ardhshme të misrit të Ukrainës të jenë shumë më të ulëta se ato të mëparshmet. Megjithatë, e ardhmja e eksporteve të Ukrainës varet shumë nga kohëzgjatja e konfliktit dhe ndikimet në portet e saj, ndërsa nuk ka asnjë shenjë nga Moska se konflikti po i afrohet fundit.
Ukraina rriti masivisht prodhimin dhe eksportet e misrit gjatë dekadës së fundit dhe vendi tani përbën rreth 15% të eksporteve globale. Ukraina konsiderohet si një nga katër furnizuesit më të mëdhenj të misrit së bashku me Shtetet e Bashkuara, Brazilin dhe Argjentinën.
Pothuajse të gjitha eksportet e drithrave të Ukrainës nisen nëpërmjet Detit të Zi dhe portet atje janë aktualisht të pushtuara nga ushtria ruse. Vendi ka eksportuar sasi të pakta drithrash me hekurudhë për në Bashkimin Europian, por potenciali është jashtëzakonisht i kufizuar.
Përpara luftës, Ukraina priste të eksportonte një rekord prej 33.8 milion ton misër në periudhën 2021-2022, pas një prodhimi të lartë vjeshtën e kaluar. Ministria e Bujqësisë tha javën e kaluar se dërgesat mund të bien në vetëm 17 milionë ton, që do të ishte niveli më i ulët në gjashtë vjet.
Departamenti i Bujqësisë në SHBA, në fillim të këtij muaji ishte shumë më optimist me vlerësimin për eksportet e misrit të Ukrainës në 23 milion ton, kundrejt 33.5 milion të parashikuar në shkurt.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.