Kriza e të mëdhenjve – Tregtia online fut në krizë rrjetet më të mëdha të dyqaneve të Itali
Përqafimi i tregtisë online ka bërë që një pjesë e madhe e rrjeteve tradicionale të dyqaneve në Itali të jenë në një krizë të thellë. Oraret e shkurtuara si dhe pushimet nga puna e vërtetojnë më së miri këtë.
Gjigandët e shitjeve në rrjet e sidomos Amazon, po vënë me shpatulla pas muri edhe gjigandët e shitjeve tradicionale. Këta të fundit ndërkohë kohë më parë kishin shkaktuar edhe krizën e dyqaneve të vogla duke i nxjerrë praktikisht nga qarkullimi.
“Mediamarket”, që përfshin rrjetin e “Mediaworld” dhe “Saturn” që tregtojnë produkte high-tech dhe elektronike, është zyrtarisht në krizë. Deri më tani janë mbyllur disa pika, dhe disa të tjera janë ristrukturuar.
Me dhjetëra punonjës janë larguar nga puna. “Trony” është një tjetër gjigand në krizë. 35 dyqane janë mbyllur në të gjithë Italinë dhe 466 punonjës janë shkarkuar.
“Marcatone Uno”, “Limoni-douglas”, “Au chan”, “Tu odi”, “Dico Discount”, “Conbipel” janë disa prej rrjeteve të tjera që janë zhytur në krizë në Itali. Por, nuk është vetëm Italia në telashe.
Presidenti amerikan Donald Trump pak kohë më parë sulmoi Amazon pikërisht për këtë arsye, duke deklaruar se po nxjerr jashtë loje shitësit tradicionalë.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.