Kriza për karburant në Britani – Kryeministri “fut në lojë” ushtrinë e shtetit
Britania e Madhe mund të sjellë ushtrinë për të furnizuar vendin me karburant, pas një fundjave paniku që la të gjitha pikat e furnizimit “bosh”.
Radhë të gjata makinash u panë jashtë stacioneve të karburantit ditët e fundit, ndërsa shoferët u përpoqën të mbushnin automjetet e tyre pas raportimeve të mediave për një mungesë të afërt.
Mungesa e madhe e shoferëve të kamionëve ka bërë që dërgesat e karburantit dhe mallrave të kenë rënë së fundmi në Britani.
Kryeministri Boris Johnson thuhet se po shqyrton përdorimin e personelit ushtarak për të furnizuar pikat e karburantit, sipas raporteve të mediave britanike.
Ndërkohë, mijëra shoferë kamionësh do të pajisen me viza të përkohshme britanike në prag të Krishtlindjeve, në një përpjekje për të kufizuar prishjen e furnizimit përpara periudhës së festave.
Burimi origjinal: CNBC
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.