Kriza politike në Katalonjë – Papunësia arrin shifra “të frikshme”

Papunësia u rrit ndjeshëm në Katalonjë gjatë muajit tetor. Të dhënat e publikuara nga Ministria e Punës këtë të premte, treguan se më shumë njerëz se kurrë më parë në këtë rajon u regjistruan si të papunë.

Më shumë se 2000 kompani me seli në Katalonjë i zhvendosën selitë e tyre ligjore jashtë rajonit.

Sipas të dhënave, numri i njerëzve në Spanjë që u regjistruan si të papunë u rrit ndjeshëm për të tretin muaj radhazi nëTetor, duke arritur kështu në 3.47 milionë njerëz pa punë.

Nga të dhënat, rezultoi se vetëm në Katalonjë u regjistruan 14 698 njerëz të papunë, nga 56,884 që ishin në total.

Sipas ‘Reuters’, Banka e Spanjës paralajmëroi të enjten se pasiguria për shkak të pavarësisë, nëse vazhdon ende, mund të çojë në rritje të ngadaltë ekonomike dhe në krijimin e vendeve të punës në muajt në vijim.

Tetori shihet shpesh si një muaj ku papunësia rritet në Spanjë, pasi me përfudnimin e sezonit turistik, largohen edhe vizitorët e së bashku me to edhe punëtorët e përkohshëm në hotele dhe restorante.

Regjistrimi i të papunëve u rrit fuqishëm në sektorin e shërbimeve, pasuar nga bujqësia.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.