Krizë birre në Rusi – Kërkesë përtej pritshmërive, kërkesë e lartë nga tifozët
Që prej fillimit të Kupës së Botës, Rusia regjistron një rritje të ndjeshme të shitjes së birrës. Kjo pije nuk është aspak e famshme në Rusi, ku Vodka duket se mbretëron.
Gjatë dekadës së fundit, shitjet e birrës në vend kanë rënë me rreth 30% si pasojë e kufizimeve mbi shitjet dhe reklamat. Gjithsesi, gjatë ditëve të fundit, birra, falë kupës së botës, është rikthyer me fuqishëm se kurrë.
Madje, një pjesë e madhe e shitësve lokalë dhe prodhuesve janë kapur të papërgatitur. Dikush shprehet se, nuk ka mjaftueshëm birrë për të përballuar kërkesën.
“Të blesh birrë është pak e vështirë, pasi nuk ka mjaftueshëm dhe kërkesa është e lartë. Të gjithë po e kërkojnë”, shprehet një banor.
“Ka qenë bindshëm përtej pritshëmrive. Kërkesë shumë e madhe. Ne shesim në ditë rreth 3000 litra, që përkthehet në rreth 6000 gota birrë”, shprehet një menaxher.
Shumëkush priste që vodka ose tequila të ishin pijet e preferuara të tifozëve. Para pak ditësh në disa lokale mbaroi tërësisht birra.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.