‘Krizë’ monetare në Britani / Nuk ka më para fizike në qarkullim, autoritetet ngrenë alarmin

Kancelari i ri, Rishi Sunak, po kërkohet të përfshijë masa për të mbrojtur aksesin në para fizike si pjesë e buxhetit të marsit, pasi ekspertët paralajmërojnë se sistemi i parave të Britanisë së Madhe po shkon gjithnjë e më shumë drejt kolapsit.

“Autorët e Raportit të Aksesit në Para” kërkojnë mbrojtje shtesë për të mbështetur infrastrukturën e parave të Mbretërisë së Bashkuar, e cila ka rënë në tkurrje të ashpër në 12 muajt nga botimi i raportit origjinal marsin e kaluar.

Rishikimi paralajmëroi atëherë se më shumë se 8 milion të rritur në Mbretërinë e Bashkuar do të luftojnë për tu përballur me një shoqëri pa para fizike, me një numër të konsiderueshëm njerëzish që ende mbështeten në para për transaksione ditore.

Në vitin e kaluar, 13% e të gjitha ATM-ve për përdorim të lirë në Mbretërinë e Bashkuar janë mbyllur dhe numri i ATM-ve me tarifë është rritur nga 7% në 25%, duke i kushtuar konsumatorëve 29 milion paundë më shumë në tarifa.

Gjithnjë e më shumë dyqanet po operojnë pa para, pasi mbyllja e degëve të bankave ua vështirëson shitësit të depozitojnë paratë e tyre. Shitësit e mëdhenj me pakicë si Tesco janë dyqane që pranojnë vetëm karta dhe pagesa dixhitale.

Konsumatorët po mbështeten më shumë në rrjetin e Postës për tërheqje për shkak të mbylljes së degëve të bankave, por edhe ky shërbim po bie në kërcënim.

Thesari  i Mbretërisë së Bashkuar tha që qeveria kishte investuar 2 miliardë paund për të siguruar shërbime bankare përmes rrjetit të Postës dhe “ishte duke punuar ngushtë me industrinë dhe rregullatorët për të siguruar që të gjithë që kanë nevojë për para mund të kenë akses në të”.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.