Kryemadhi takon banorët e Kombinatit: “Shtëpitë e dëmtuara nga tërmeti do të rindërtohen, do investojmë zhvillimin e zonës”

Kryetarja e LSI-së, Monika Kryemadhi ka zhvilluar takimin e radhës në zonën e Kombinatit, ku u njoh nga afër me shqetësimet e banorëve të dëmtuar nga tërmeti i vitit të kaluar. Kryemadhi u shpreh se Bashkia Tiranë nuk është konsultuar me pronarët e shtëpive për shembjen e tyre, ajo premtoi se me ardhjen në pushtet shtëpitë do të rindërtohen në vendin ku ishin.

“Çdo kush do jepte jetën për të realizuar ëndërrat e fëmijëve të tij dhe prandaj unë besoj tek të rinjtë, besoj të forca që Floida ka për ta çuar deri në fund betejën për shtëpitë e kombinatësve, që Bashkia e Tiranës me Edi Ramën në krye duan të shembin. Pallatet që kombinatësit i kanë ndërtuar me gjakun e tyre, të prindërve të tyre, siç ndërtuan Kombinatin, tashmë Edi Rama kërkon ti largojë nga shtëpitë e tyre, pronat e tyre për të ju dhanë oligarkëve për të ndërtuar kullat dhe për të kthyer truallin e kombinatësve në lulishte. Betejën e parë qytetarët e kombinatit e fituan. Fituan në Gjykatën Administrative për vendimet e parregullta që Bashkia e Tiranës ka marrë për tjetërsimin e pronave të kombinatësve. Ky është vetëm fillimi. Ne do ta çojmë deri në fund për të mbajtur jo veç fjalën që ju kemi dhënë, por sepse kjo është më njerëzorja, e ndershmja që secili nga ne ka. Nëse ne nuk respektojmë pronën e tjetrit si mund të respektojmë të drejtat e njeriut, të shkollës, të shëndetit, të fjalës. E pra, kombinatasit që kanë shtëpitë aty do ti rindërtojnë prap me paratë e buxhetit të shtetit dhe jo paratë e tyre.”

Me tej kryetarja  e LSI kërkoi votën e banorëve të kësaj njësie duke premtuar punësim dhe investime për zhvillimin e zonës

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.