Kryeministri bën vaksinën i pari: ‘Edhe pse nuk duhej, po e bëj që t’i jepet fund konspiracioneve me çip apo kthimit të ilirëve në vikingë’
Kryeministri Edi Rama do të bëjë vaksinën ditën e sotme. Në daljen publike kryeministri tha se po futet pa radhë për të dhënë shembull se vaksina është esigurtë. Ndërsa ministrat do të presin radhën e tyre.
“Unë do ta bëj për të dhënë mesazhin e qartë se vaksina jo vetëm është e sigurtë por është arma asgjësuese e këtij armiku të padukshëm dhe për t’u dhënë të gjithëve se dokrrat me çipa dhe manipulime të geneve e transformime të ilirëve në vikingë apo në aziatik janë qesharake. Nuk do doja t’i zija radhën askujt nga ata që duhet të bëjnë më parë. Por do ta bëj sot” tha kryeministri.
Procesi që nis sot në orën 17:00 nuk do të jetë i detyrueshëm dhe do të jetë falas. Rendi i vaksinimeve parashikon nisjen me stafet mjekësore dhe për të moshuarit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.