Kryeministri çek për Brexit: “Jam shumë i pakënaqur që Mbretëria e Bashkuar do të largohet!”

Liderat e BE kanë nisur t’i bëjnë thirrje kryeministres britanike që të mbajë një referendum të ri të Brexit. Kryeministri çek,  Andrej Babiš, zbuloi të mërkurën se i ka kërkuar kryeministres  May, të mbajë një votim tjetër me qëllim qëndrimin në Bashkimin Europian.

Babiš tha pastaj se ishte “shumë i pakënaqur” që Mbretëria e Bashkuar po largohej dhe se “do të ishte më mirë të bëhej një referendum tjetër dhe njerëzit ndërkohë të mund të ndryshonin pikëpamjen e tyre”.

Kjo kërkesë erdhi pasi presidenti francez Emmanuel Macron dhe figurat e tjera të BE paralajmëruan se do të jepnin një shtyrje të nenit 50 nëse Britania e Madhe do të kërkonte të shtynte procesin.

BE ka përjashtuar gjithashtu çdo negociatë të mëtejshme dhe tha se çdo zgjidhje për bllokimin aktual duhet të gjendet në Londër.

Burimi: The Independent 

J.V/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.