Kryeministri italian në hetim nga prokurorët për neglizhencë të autoriteteve ndaj vdekjeve të COVID-19
Kryeministri italian, Giuseppe Conte, do të merret në pyetje si pjesë e një hetimi të drejtuar nga të afërmit e viktimave të koronavirusit në gabime të supozuara të bëra nga autoritetet në fillim të pandemisë.
Prokurorët në Bergamo, provincë e Lombardisë më e goditura nga virusi, do të marrin në pyetje edhe ministrin e shëndetësisë, Roberto Speranza dhe ministren e brendshme, Luciana Lamorgese, për dështimin e autoriteteve për të karantifikuar qytetet Alzano, Lombardo dhe Nembro pasi ndodhën shpërthimet.
Masa erdhi pasi familjet e pikëlluara të viktimave Covid-19 të mërkurën dorëzuan 50 ankesat e para për prokurorët e Bergamo ndërsa ata kërkojnë një hetim mbi neglizhencën e mundshme kriminale nga autoritetet.
Dosjet u mblodhën nga anëtarët e NOI Denunceremo (ne do ta denoncojmë), një grup në Facebook i ngritur në prill.
Bergamo deri më tani ka regjistruar më shumë se 13.600 infeksione koronavirusi dhe më shumë se 3000 vdekje, sipas shifrave zyrtare. Sidoqoftë, Giorgio Gori, kryetari i bashkisë së qytetit Bergamo, u tha gazetarëve të martën se numri i vdekjeve në të gjithë krahinën ishte ndoshta dyfishi i numrit zyrtar.(The Guardian)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.