Kryeministri Johnson lë spitalin dhe falenderon personelin shëndetësor: “U kam borxh jetën time”
Kryeministri i Mbretërisë së Bashkuar Boris Johnson ka dalë nga nga spitali, një javë pasi u pranua për shkak të simptomave “të vazhdueshme” të Covid-19, tha të Dielën një zëdhënës i Doëning Street.
“Kryeministri është liruar nga spitali për të vazhduar shërimin e tij, në Checkers,” tha ai.
Checkers është vendbanimi zyrtar i kryeministrave britanikë.
Johnson u pranua në spital të Dielën e kaluar dhe u transferua në kujdesin intensiv të hënën. Ai kaloi tre netë në Kujdesin Intensiv dhe mori “trajtim standard të oksigjenit”, sipas zëdhënësit të tij, por nuk kërkoi ventilim mekanik ose invaziv.
Zëdhënësi tha se me këshillën e ekipit të tij mjekësor, Kryeministri nuk do të kthehet menjëherë në punë.
Vendimi i Johnson për të vazhduar punën pasi u diagnostikua me Covid-19 u mor në pyetje nga disa kur u pranua në spital.
Të Shtunën, Kryeministri lëshoi një deklaratë duke falënderuar stafin e Shërbimit Shëndetësor Kombëtar në Spitalin Shën Thomas. “Nuk mund t’i falënderoj sa duhet. Unë u kam borxh atyre jetën time,” tha ai.
Forca me të cilën Covid-19 goditi Kryeministrin tronditi Mbretërinë e Bashkuar, ku virusi e ka dërguar numrin e vdekjeje deri në 9,875, sipas një raporti nga Departamenti i Shëndetit dhe Kujdesit Social. Gati 79,000 njerëz kanë testuar pozitivë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.