Kryeministri Li, Kina duhet të përmirësojë klimën e biznesit për sektorin prodhues

Kina duhet të ofrojë më shumë shërbime për ngritje fondesh, sidomos për ndërmarrjet e vogla. Gjithashtu duhen rishikuar politikat fiskale dhe taksat, në mënyrë që të mbështetet sektori i prodhimit.

Kështu u shpreh kryeministri kinez Li Keqiang në një deklaratë të botuar në portalin e qeverisë.

Li tha se barrierat e hyrjes duhen ulur, trajnimi profesional duhet përmirësuar dhe mbrojtja e pronësisë intelektuale duhet forcuar. Sipas tij, Kina duhet medoemos të përmirësojë këtë sektor, i cili nuk është ende atje ku duhet ndërkombëtarisht.

Kina ka vënë në zbatim strategjinë Made in China 2025, e cila synon të përmirësojë prodhimin kinez dhe t’i bëjë kompanitë kineze liderë botërorë në teknologji.

“Prodhimi është themeli i zhvillimit ekonomik. Në mënyrë që të përmirësojmë ekonominë e Kinës dhe të realizojmë një industrializim të ri, duhet të mbështetemi në forcimin e prodhimi”, tha Li.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.