Kryeministri mesazh nga zyra e tij: Kemi hyrë në fazën e shpërthimit më intensiv! Mos luani me zjarrin
“Kemi hyrë në fazën e shpërthimit më intensiv”. Ka qenë kjo deklarata e kryeministri Edi Rama në komunikimin e radhës, tashmë nga zyra e tij në kryeministri, në kushtet kur është përkeqësuar bilanci i viktimave nga COVID-19 në Shqipëri.
Kryeministri përsëriti fort apelin që të respektohen masat e marra dhe masat e higjienës personale në mënyrë që të shmanget katastrifa.
“Siç e pamë fatkeqësisht humbi jetën një 42 vjeçar që nuk vuante nga ndonjë sëmundje kronike. Ngushëllime familjeve të të ndjerëv e të tjerë që armiku u shkurtoi jetën. Kjo mortje që ka sulmuar botën synon më të dobëtit por as të rinjtë nuk janë 100% të paprekshëm ndaj ju lumtem edhe njëherë të gjithëve: MOS LUANI ME ZJARRIN.
Nuk e ndalim dot vdekjen të na marrë njerëz por duhet të ndalim kërdinë që mund të na bëjë për shkak të papërgjegjshmërisë. Nuk duhet në asnjë mënyrë të humbasim një mal me njerëz. Ketë e kemi ne në dorë duke bërë durim.
Kur dilni për pazar mos rrini grumbull. Në radhë rrini në vijë e drejtë. Pse është kaq e vështirë?! Ne u futëm shpejt në llogoren e masave shtrënguese dhe është tragjike ta humbasim avantazhin që kemi krijuar.
Kush ka menduar se kjo luftë do kalojë pa humbje jete e ka menduar gabim. Dhe kush nuk e ka marrë vesh që virusi do të prekë shumicën prej nesh. Gjithcka bëjmë ne ka shumë rëndësi për mirë apo për keq.
Duke u shtrënguar maksimalisht e ngadalësojmë përhapjen e armikut. Ndaj njerëz forca dhe durim. Duhet të dalim nga kjo luftë me kokën lart dhe jo duke numëruar të vdekurit. Kam besim se të pabindurit do të pakësohen edhe duke parë buletinin e luftës ku numri i jetëve të humbura u shtua dhe do të shtohet.
Por jo në asnjë mënyrë nuk do na marrë përpjetë. As Zoti vete nuk na ndihmon dot po nuk e ndihmuam vetën dhe njëri-tjetrin.
Forca të zbrapsim këtë mortje nga shtëpia jonë dhe të shmangim medoemos katastrofën sepse disa humbje nuk i kemi ne në dorë por shmangien e katrastrofës e kemi vetëm ne” tha kryeministri.
SCAN
🔴 KJO ËSHTË NJË JAVË ZJARRI DHE HYJMË NË FAZËN MË DRAMATIKE TË LUFTËS, KU DUHET TË BËJMË ÇMOS TË GJITHË BASHKË, PËR TË ULUR SA TË JETË E MUNDUR HUMBJET E JETËVE DHE VUAJTJET E MËDHA QË SJELL KY ARMIK I EGËR! REZISTENCË👐🏿REZISTENCË👐🏿REZISTENCË!
Posted by Edi Rama on Monday, March 23, 2020
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.