Kryeministri në konsullatën e Milanos – Rama: Fund radhëve dhe pritjes, shërbim dinjitoz shqiptarëve

Kryeministri Edi Rama gjatë ndalesës në Milano në Itali, është ndalur në konsullatën e re që është hapur prej disa kohësh.

Në një postim në rrjetin social Facebook kryeministri shkruan se me këtë ndërhyrje ka marrë fund pritja dhe radhët e gjata.

Kryeministri shkruan: në ambientet e reja dhe të transformuara rrënjësisht të Konsullatës shqiptare në Milano, ku për herë të parë pas çerekshekulli ka marrë fund historia e pritjes pas dyerve me ditë të tëra në radhë të gjata dhe është çelur një kapitull i ri i shërbimeve konsullore për qytetarët që sot shërbehen brenda 10 minutave në kushte dinjitoze.

Arbër Hitaj/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.