Kryeministri njofton shtyrjen e mitingut të çeljes së fushatës elektorale për zgjedhjet vendore të 30 qershorit
Partia Socialiste ka vendosur që të shtyjë hapjen zyrtare të fushatës elektorale. Kjo u bë e ditur nga kryeministri Edi Rama, në fund të letrës publike drejtuar kreut të opozitës Lulzim Basha.
Arsyeja lidhet me faktin se me 31 maj, kur ishte planifikuar që të bëhej ceremonia e çeljes së fushatës elektorale për zgjedhjet e 30 qershorit, edhe opozita ka paralajmëruar se do të mbajë protestën e radhës.
“Meqë lajmëruat grumbullimin e radhës në 31 maj, shtabi ynë elektoral vendosi ta spostojë në 1 qershor mitingun e çeljes zyrtare të fushatës – kollaj, nuk ishte një datë si ajo zgjedhjeve që s’e kemi ne në dorë” shkruhet në letrën e kryeministrit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.