Kryeministri Rama njofton ofertat: Nga nesër,50 përqind më shumë internet falas! Zgjat 5 javë
Duke nisur nga dita e nesërme, kompanitë telefonike do të ofrojnë 50 % më shumë internet falas për një periudhë 5 javore.
Lajmi u bë i ditur nga kryeministri që bëri me dije se është dakordësuar me kompanitë në mënyrë që krijohen lehtësi në kushtet kur shërbimi i internetit po përdoret maksimalisht si për ofrimin e shërbimeve publike por edhe përdorime të tjera në kushtet e karantinimit.
Kryeministri tha se kompanitë telefonike dhe ato të internetit do të ofrojnë akses falas në internet për përdorimin e shërbimeve publike dhe në çdo platformë edukative vendase.
Ndërkohë, kryeministri kërkoi që të bëhet kujdes me përdorimin e internetit për faktin se është rritur ndjeshëm konsumi i tij e si rrjedhojë duhet eleminuar kolapsimi i sistemit siç ka ndodhur në ndonjë vend tjetër. Ai mori si shembull eksperimentin që bënë disa vende duke ofruar internet falas krejtësisht për 10 ditë, por kjo rrezikoi të kolapsojë sistemin dhe u detyruan të ndryshojnë strategjinë e tyre.
-50% më shumë internet falas për një periudhë 5 javore
-Akses falas në internet në çdo platformë edukative përfshirë edhe RTSH, kanalin që mbulon shkollën, pa kufizim.
-Për abonentë me kontratë të fiksit për akses në platforma edukative për fëmijë të çdo moshë 60% më lirë se oferta normale.
-Njëra kompani ofron zgjatje të ofertave për internet fiks dhe televizor.
-Çdo paketë që do të blihet do ketë ofertat e sipërpërmendura
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.