Kryeministri Rama shpjegon ‘’lirinë me pikatore”, ja çfarë do të ndodhë në ditët në vijim

Në një komunikim live kryeministri Rama ka shpjeguar se po dëgjon mendimin e ekspertëve dhe së shpejti mund të fillojë “liria me pikatore” për të gjtihë qytetarët në javën që vjen.

Sipas shefit të qeverisë, kjo duhet bërë në mënyrë mjaf të matur dhe liria të barazohet me disa shtrëngime në balancë, pasi kjo është mënyra e vetme për të fituar këtë luftësipas tij.

Masat liruese sipas tij do të fillojnë nga fashat orare deri tek përdorimi i automjeteve:

 ‘Bazuar në këtë ecuri kemi mundësinë që të mendojmë për të liruar me pikatore disa masa shkallë shkallë për të lehtësuar psikologjikisht në radhë të parë jetën tuaj dhe tonën, por nuk kemi asnjë mënyrë të drejtë dhe kemi detyrimin që të mos hedhim hapa të nxituar dhe ndërkohë që dua t’u them se nëse do të zgjedhim si po mendojmë, të fillojmë të bëjmë disa lehtësime, patjetër do të bëjmë edhe disa shtrëngime. Pasi nëse do të lehtësojmë pak, do të jemi më të rrezikuar nga ata që nuk duan të dëgjojnë dhe thyejnë rregullat duke kërcënuar të kthehen në bomba.

Po konsiderojmë, që duke lehtësuar fjala vjen, fashën orare apo lëvizjen me automjet për punë të të gjithë atyre që janë në një punë që sot lejohet dhe nuk e kanë të mundur të lëvizin me makinën e tyre, atëherë duhet të rrisim fort sanksionet për ata që do ta shkelin hapësirën e kufizuar. Duhet të shkojmë ndoshta deri në heqje liri për këdo që merr makinën për të shkuar në punë dhe e përdor për të transportuar njerëz të tjerë. Këtë po diskutojmë në shtabin tonë. Po dëgjojmë me vëmendje ekspertët, ku më pas do të kem një diskutim të gjerë dhe të gjatë” tha ai.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.