Kryeministri spanjoll përballet me krizën pas votimit dhe shkëputjes së dhunshme të Katalonjës

Kryeministri spanjoll Mariano Rajoy po përballet me krizën më të madhe të Spanjës në dekada, pasi referendumi i pavarësisë së Katalonjës po shoqërohet me disa lëvizje të menjëhershme. Sipas një editoriali në gazetën “La Vanguardia”, policia spanjolle përdori shufra dhe plumba gome për të shkatërruar votën, duke plagosur kështu qindra njerëz.

Katalonia është një qendër e industrisë dhe turizmit dhe përbën 1/5 e ekonomisë së Spanjës. Situata e tensionuar mund ta vërë Katalonjën nën kontrollin qëndror në pritje të zgjedhjeve të reja. Kjo do të rriste tensionet, duke dëmtuar kështu edhe ekonominë e spanjollëve.

“Ne besojmë se rreziku u konfrontimeve po rritet në një periudhë afatshkurtër, duke përfshirë ndërprerje ekstreme të mëdha me kosto të mundshme të rënda ekonomike”, tha Citibank.

Përpjekjet e qeverisë së Madridit për të parandaluar referenduamin e së dielës nëpërmjet përdorimit të forcës policore solli kritika nga anëtarët e tjerë të Bashkimit Evropian, duke përfshirë Britaninë dhe Belgjikën. Por, ka pasur një heshtje nga vetë BE.

Rajoy në fjalimin e tij televiziv tha se duhet të mblidhen të gjithë sëbashku për të reflektuar mbi të ardhmen me të cilën po përballen.

Genta Dobra/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.