Kryetari i PD, Basha denoncim ndaj qeverisë: “E paaftë për të ndaluar falimentimin e bizneseve të vogla”
Kryetari i Partisë Demokratike, Lulzim Basha nëpërmjet një statusi në rrjete sociale ka bërë një denoncim ndaj qeverisë, duke e cilësuar si të paaftë për të ndaluar falimentimin e bizneseve të vogla. Sipas kreut të PD-së mosardhja në ndihmë ndaj kësaj kategorie në një periudhë kaq të vështirë është vrastare, në një kohë kur biznesi i vogël punëson 70% të shqiptarëve.
Më tej, Basha propozon një taksë të vetme sa 0.5% e xhiros ndaj kësaj kategorie dhe heqjen e të gjitha tarifave dhe taksave të tjera lokale. Këto masa sipas tij do të çojnë në uljen e informalitetit, rritjen e punësimit dhe të fitimeve për bizneset.
STATUSI I PLOTË
“Paaftësia e qeverisë Rama për ti ardhur në ndihmë ekonomisë në këtë kohë krize të thellë, është vrastare për biznesin e vogël i cili punëson 70% të shqiptarëve. Ritmet e mbylljes së bizneve të vogla po rriten cdo muaj. Sot ato po ulin masivisht qepenat duke lënë pa punë mijëra familjarë prej taksave të larta, korrupsionit dhe tarifave të shumta të pushtetit lokal.
Plani ynë ekonomik ka në themel të tij mbështetjen dhe nxitjen e bizneseve të vogla si gjenerator të punësimit të shqiptarëve. Një taksë e vetme sa 0.5% e xhiros, dhe do të heqim të gjitha taksat dhe tarifat lokale, për të luftuar informalitetin, për të rritur fitimin dhe për të nxitur punësimin. Karantinimi i çdo inspektoriati për 1 vit, deri në një reformë të vërtetë të standarteve europiane, do të zhdukë terrorin e bandave të inspektoriateve dhe do të rivendosë dinjitetin dhe lirinë e sipërmarrjess.
Shqiptarët meritojnë dhe do të kenë një qeveri që me përgjegjshmëri dhe seriozitet do ti kthejë frymëmarrjen ekonomisë sonë. #ditemetemira“-shkruan Basha.
G.K / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.