Ku duhet t’i kaloni pushimet? – Lëreni personalitetin tuaj të vendosë për ju

Kur keni vetëm 2-3 javë kohë pushimi në vit vendimi se ku t’i kaloni pushimet bëhet gjithnjë e më i vështirë. Kostoja dhe komoditeti janë faktorë të mëdhenj kur vjen puna për të shkuar në destinacionin e duhur.

Për të zgjedhur destinacionin e duhur në mënyrë që të mos pendoheni për mënyrën se si i kaluat ditët tuaja të pushimit kryesorja është të njihni vetveten, pra personalitetin tuaj.

Një nga modelet më të pranuara të psikologjisë është “Big Five”, i cili shpjegon 5 modelet në të cilat ndahen njerëzit.

Ekstrovertët: Janë shumë social si për të filluar biseda ashtu edhe jetën e argëtimit. Për këta persona Australia është vendi më i përshtatshëm, për shkak të kulturës së pabesueshme të udhëtimeve me çantë shpine dhe në këtë vend nuk do të ndiheni kurrë të vetmuar.

Njerëzit me tipare të këndshme personaliteti: janë shumë të ndjeshëm, bujarë dhe të interesuar për të kaluar kohën e tyre duke eksploruar kultura të reja. Nëse keni shumë kuriozitet Gjeorgjia është një vend ku njerëzit të ofrojnë miqësi dhe këshilla për të shijuar vizitën tuaj.

Njerëzit bujarë të cilët kërkojnë të kalojnë disa kohë duke ndihmuar të tjerët: Pushimet dhe njëkohësisht një projekt shërbimi në Nepal janë të përshtatshme për këta lloj njerëzish.

Udhëtari i ndërgjegjshëm: Këta lloj udhëtarësh janë shumë të organizuar, të përgatitur dhe u pëlqen të jenë strikt me oraret. Evropa perëndimore është destinacioni më i përshtatshëm për këta lloj njerëzish, për shkak të sistemit të pabesueshëm të transportit dhe efikasitetit. Danimarka dhe marrja e një treni për në Norvegji do të ishte një udhëtim I përsosur për këta persona.

Njerëzit me probleme neuroticizmi: Këta njerëz janë gjithnjë të shqetësuar dhe në ankth. Por nuk ka asnjë problem edhe për këta lloj njerëzish ekzistojnë disa vende mjaft të përshtatshme për të udhëtuar. Prenotimi i një vendpushimi gjithëpërfshirës në Meksikë apo një turne në Itali  i cili ndihmon “të zbusë skajet e përvojës së udhëtimit” dhe i lejon udhëtarët “të përqendrohen në gëzimin e kulturës së re”.

Udhëtarët e hapur: Ky lloj personalitetit është aventurier, imagjinues dhe i pëlqen të mësojë gjëra të reja. Azia Juglindore është vendi i duhur për këta njerëz, veçanërisht Tajlanda dhe Minmarin. Edhe pse infrastruktura nuk është shumë e mirë dhe ka pak zhvillim, njerëzit dhe kultura janë më të ngrohtat në botë.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.