Ku jetojnë ultra-të pasurit dhe sa kontribuojnë ata në mirëqenien e vendit të tyre?

Sipas sondazhit të fundit, të Wealth-X (që realizon çdo vit Raportin e Ultra të Pasurve në Botë), ekzistojnë rreth 11 milion individë Hnwi (me një pasuri prej më shumë se 30 milionë dollarësh) në botë.

Duhet thënë që ata që zotërojnë mbi 30 milion dollarë pasuri jo domosdoshmërish i kanë investuar të gjitha në vendin në të cilin banojnë. Ka kombe që tërheqin të pasur me një seri masash legjislative të krijuara ‘ad hoc’ për të mbrojtur kursimet e tyre ose për t’u garantuar atyre regjime tatimore më të favorshme. Sipas raportit rezulton se kombi që ka fatin numërojë më shumë të ultra-të pasur është Amerika e Veriut, më konkretisht 81.340 individë.

Në vendin e dytë por shumë larg është Kina me 24.965 persona, natyrisht këto janë shifra absolute. Në vitin 2018 pasuria absolute e këtyre individëve arriti në 9.8 trilion dollarë, krahasuar me 3.8 trilion dollarë të Kinës, pra nuk ka të krahasuar. Nëse në vend të kësaj arsyetojmë “për frymë” dhe e përhapim këtë “krem” në tërë popullatën zbulojmë se renditja është krejt e kundërt. Shtetet e Bashkuara bien në vendin e dhjetë me 306 persona ultra-të pasur dhe Hong Kong ngjitet në krye me 1.364. Vendet më të vogla dhe më të pasura si Zvicra hyjnë kështu në përzierje, në rastin e parë me 848 dhe në të dytin e me 699 persona duke treguar kështu një stabilitet dhe kontrast shumë të zbehtë mes popullatës.

Kjo të paktën nëse shikojmë pasurinë e përgjithshme. Nëse, nga ana tjetër, do të mendonim në lidhje me pasurinë e vërtetë apo reale, në lidhje me aftësinë reale blerëse të popullatës, së paku duhet të harrojmë për një ultra-të pasur për një moment dhe të shikojmë të ardhurat e njerëzve të zakonshëm. Pak për lehtësi e pak nga zakoni jemi mësuar të dëgjojmë për PBB-në, pra për shumën e mallrave dhe shërbimeve të prodhuara në një vend të caktuar, në një periudhë të caktuar kohore.

Edhe me kufizimet e tij, PBB mbetet një e dhënë e dobishme, por ndonjëherë mund të jetë larg nga përvoja e zakonshme e njerëzve dhe familjeve. Kjo pasi ata shpesh llogaritin se sa para kanë në xhepat e tyre dhe sa marrin çdo muaj për punën që bëjnë, gjë që për ekonominë e përditshme shtëpiake është ajo që me të vërtetë ka rëndësi.

Për të arritur tek të ardhurat “reale” ju duhet të zbrisni gjërat më të dukshme. një seri të tërë taksash dhe kontributesh që në fund të skemës zvogëlojnë në masë të madhe dhe të rëndësishme totalin, dhe për rrjedhojë edhe sasinë se sa mund të shpenzojmë më pas në atë që na nevojitet ose na pëlqen, çka ndryshon tërësisht këndvështrimin apo datat fillestare.

E.S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.