Ku pritet që Libra e Facebook-ut të gjendet pas gjashtë muajsh ? Ndikimet dhe pasojat
Libra një monedhë virtuale e shpallur nga Facebook muajin e kaluar mund të sjellë një epokë të re bankare ose mund të shkaktojë krizën e ardhshme financiare.
Megjithëse Facebook ndau plane për një organizatë jofitimprurëse zvicerane të quajtur Libra Association, e cila do të menaxhojë rezervat dhe rrjetin e kriptomonedhës, gjiganti i medias sociale nuk ka dhënë shumë hollësi rreth Librës. Çfarë ndodh nëse një llogari Facebook-u vidhet apo çfarë vlere do të ketë monedha e Libras dhe shumë pyetje të tjera mbeten të pa qarta.
Pritet që Libra do të vonohet deri në vitin 2021
Facebook parashikon se Libra do të nis funksionimin në mesin e vitit 2020 por duke parë që edhe monedhat e mëparshme virtuale të krijuara, për shkak të problemeve teknike u është dashur shumë kohë mendohet të shtyhet afati. Gjithashtu, faktor bindës për shtyrjen e projektit janë dhe problemet e shumta që Facebook ka pasur me SHBA-në.
Libra mund të devijojë nga funksioni i saj primar
Autoritetet financiare thonë se Libra mund të lehtësojë transaksionet afërsisht të menjëhershme, dhe ata e shohin këtë si një kërcënim potencial. Rregullatorët në mbarë botën janë të shqetësuar se Libra mund të përdoret për pastrimin e parave dhe financimin e terrorizmit, çështje që lidhen drejtpërdrejt me kërkesat e identifikimit.
Facebook anulon projektin
Libra e Facebook-ut mund të fshihet si program pa nisur akoma. Por kompania mund të ndryshojë me lehtësi strategjinë dhe të ndajë talentin në projekte të tjera ose të zvogëlojë fondet e saj. Libra, në veçanti, duket sikur një dobësi kritike, ku Facebook dhe partnerët e saj mund të përpiqen të arrijnë marrëveshje mbi standardet e rrjetit – për privatësinë, pagesat e transaksioneve, pagesat e interesit dhe çështje të tjera.
Libra braktis qëllimin e saj
Është shumë herët të thuhet se çfarë do të thotë për pjesën e Facebook të tregtisë digjitale apo se si kjo do të ndikonte në politikën e brendshme monetare. Paratë private të drejtuara nga Facebook mund të kërcënojnë efikasitetin e grumbullimit të taksave. Këto mundësi mund të tingëllojnë ekstreme, por ky skenar kërkon konsideratë, sepse mund të ndryshojë marrëdhënien e shoqërisë me paratë.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.